مسجات عتاب مميزة جدا جدا
--------------------------------------------------------------------------------
مجنون
وأدري تالي العمر تابوت
لكن شسوي دايم الحظ ضدي
لاتحسب إني يوم صديت باموت
صدك يزودني عناد وتحدي
الحزن عمره مامضالي على صوت
والدمع عمره ماجرى فوق خدي
رح وقول لخاطرك "فاتك الفوت"
ولامن سأل قله "عناد وتحدي"
كان فيني عيب قلي فيك العيب الفلاني
كان هرجي مزعلك في شي قلي لاتعيده
جيت مابيك تحقرني جيت أبيك تعز شأني
جيت آبي فزعة ضلوعك من مشاعرك البليدة
يعلم الله شفت منك ومن غيابك ماكفاني
كان ماتقدرتخفف هم قلبي "لاتزيده"
وش حيلتي مادام حظي عصاني
أصبحت عاجز حاير في مكاني
وخدي بدمع العين ياما كويته
هذا القدر مكتوب والعمر فاني
لكن امانه كان موتي لفاني
قبري تحطونه على باب بيته
يمكن إذا شافه بلحظة بكاني
وإلا ترد الروح في نفس ميتة
كنت أظن هالدمعة اللي وسط عيني
و أنت رايح جت معايه تودعك
لين طاحت مني كنها ما تبيني
من غلاتك ودها ترحل معك
هذا قلبي و هذي عيني و ذي سنيني
ما يبونك ترحل و كيف أقنعك
حتى روحي واقفة بينك و بيني
لا هي عندي و لا هي تقدر تمنعك
روح و سافر بس توعدني تجيني
وأنت سالم للي ينطر مرجعك
اما عني روح ولي ربي يعيني
الله يعلم كيف حال مودعك
رحلت ومن بقى وياي يحس بضحكتي وبكاي
وحتى الجرح في بعدك يغزيني واهليبه
انا من لي في هالدنيا سواك ان طالت الغيبه
فقدتك يا اعز الناس فقدت الحب والطيبه
وانا من لي في هالدنيا سواك ان طالت الغيبه
يا صاحبي ياللي تقول إنك تبيني ما أبيك
ما بيك لو تذرف عيونك دم والله ماابيك
خلك مع اللي بعتني لاجله تظنه يشتريك
ما ينشرى من هو رخيص النفس يا مرخص هواك
فارق يعل العين متشوفك ولا تحسب اجيك
ما جيك لو ضامي وريقي ما يبله غير ماك
اعيش سكرات المنيه خير لي من أرتجيك
اعيش في قبري معا ميت ولا أحيا معاك
يامن عطيتك راس مالي قلبي ياللي هام فيك
يا من تمنيتك حلالي كنت أشوفك كالملاك
ذاك الملاك الطاهر اللي كنت أظنه يحتويك
يا محتوي كل المعاني الزايفه قربك هلاك
لو شفتني اغرق تحمل لا تمد لي يمناك
اتأكد إني مستحيل اقبل نجاتي من جداك
لو توصل انجوم الثريا لا تظن أرجع إليك
لو قلت لي قاسي من علمني القسوه سواك
يا واحدٍ عزيت شانه خاب ظني فيك
ما بين بعينك رفعتك وانت داني مستواك
أرخصت ناسٍ ما تساويهم لاجل خاطر عيناك
كنت اصبح وامسي على كلمة أنا روحي فداك
يالين راحت روحي وباتت عيونك تشتكيك
النفس شامت واجزعت لما تكشف لي غطاك
يا خاين العشره تخون اللي بروحه يفتديك
تلعب على الحبلين تلعبها مع منهو أغلاك
قالوا تراه ما يوووفي ولا صدقت فيك
هذي حقيقة والمهم ماني بذاك اللي بغاك
دارت بك الدنيا وتحسبني بلهفه احتريك
روح ترى لاول تحول يالله بس عطني قفاك
ما بين بعينك على كثر ما جاك لا وحسافة ليتني ما عطيتك
تخطي و اعذرك و اتحمل خطاياك هويت غلطاتك كثر ما هويتك
ضحيت بالدنيا على شان دنياك خليت كل اللي يبيني و جيتك
كنت بعيوني وين ما طالع القاك حتى ولو غمضت عيني لقيتك
من كثر ماحبك واقدرك واهواك ماذكر اني في حياتي عصيتك
ولا فاد كلي اللي اسويه وياك اتعبت قلبي ليتك تحس ليتك
والحين روح ارجوك ساعدني انساك ولا تجي حتى لو اني بغيتك
وان مر في بالي بقايا لذكرياك بحاول انساها مثل ما نسيتك
ابشرب من دلتك لو كلها سم ** ما أهز فنجانك ولا أقول كافي
دامها من يمناك وتقول سم ** بسم الله اشرب كل سمك عوافي
ان كان تعذيبى يسرك ويرضيك عطنى عذاب وخذ بدالة سعادة
اهجر على كيفك وزد تحديك وانا بدال الهجر احبك زيادة
لك منى ابكى كل ما حل طاريك لين البكا يصبح مع الوقت عادة
مهما حصل يازين مانى بناسيك اسمك نقشتة دمع فوق الوسادة
يحسبني يوم سلم ما سمعته
سامعـه بس اتغلـى عليـه
قلت ابثقل بس ثقلي ما ستطعته
وابتسمت وجيت لمعانق ايديــــه
يحسبني يوم ما رديت بعتــــه
ما درى أني كل عمري مشتريه
والصراحة يوم سلم ما سمعته
كنت أفكر كيف أنا اسلم عليـــه
سافرت ناوي اترك الضيق لحظات لقيت طيفك بالسفر محتريني
حاولت ابعد عن خيالك مسافات الله حسيبك وين مارحت فيني
يا جرح من وين ابتدي ..
وانت معي من مولدي..
عيت يدي على وداعك تهتدي..
بس انت علمني الجفا..
دامي عجزت اعلمك كيف الوفا..
وحيد مدري من اللي عاد يفقدني
ان رحت للناس ولا طولت بغيابي.
وعن دمعة القلب تكفى لا تنشدني
بأسبابك الحب..والحرمان بأسبابي.
اهديتك روحي وانت بالفراق تهددني
ما تدري اني رميت القلب لاحبابي
هذا انت ناوي على المجهول تفردني
ياللي ذخرتك لغدر اعداي واصحابي.
ان كنت حتى انت في لاماك تحسدني
وشلون ذاك العذول اللي توصى بي.
بللي تراب المقابر بالدموع
وأحضني أطياف الرحيل بلا رجوع
سامحيني
حلليني
وأذكري حب ساكن بالضلوع
بعد موتي
إحضري ليلة رحيلي
وشاركيهم في غسيلي
لاتغيبي
علميهم من تكوني
قولي إنك ساكنه
دااااااااااااااااايم عيوني
أخطيت يوم اني طلبتك حنانك
لاصرت فاقد شي وشلون تعطيه
مهما نطق لي بالمشاعر لسانك
شي بدون احساس ماأقتنع فيه
إحساسك المصنوع خنته وخانك
جاملتني به وانت تجهل معانيه
مني نصيحه تنفعك في زمانك
إلاشعورك لاتبيعه وتشريه
"على فكره"
قلبي ماينكر العشره
يفني للغلا عمره
يبكي على فراق الوليف
ويبتسم على ذكره
"وعلى فكره"
قلبك ماعرف قدره
مسكين هو له عذره
(غلاك إنت فوق الوصف)
(وبروحك تكتسف بكره)
علموك القساوه و أنت طبعك حنون كيف تجرح دموعي و أنت وسط العيون!
أن كان غرك في حياتك جمالك أنا يغرني قلب جرحته ولا طاح،،،
لاصارت هذي سواتك راح تخسرني
ماعمر أحد راح من كيفه وناديته
عند الكرامه أبيعك وأنت خابرني
الله وكيلك ترى كل شي مريته
كانه هجر بسلامه روح وأهجرني
أخوي وهو أخوي لاصد عني ماترجيته
لا ما عرفتي الحب لا ما تحسين ..
وغدرك تعدى غدرذيب الفلاتي
الذيب يعوي قبل يغدر بمسكين ..
و انتي غدرتي خافقي في سباتي
وانتِ السبب سقتِ على القلب جرحين ..
غدر الغرام و وجع الذكرياتي
وانتي السبب واليوم لا لا تلومين ..
و ان جاك باكر شوفي شلون ياتي
والله لكتب و أفضحك في دواوين ..
و أرزف وأغني يوم خبر الوفاتي
و أرسم لأهل العشق قلب و سهمين ..
و قصة خيانة ما روتها الرواتي
و يمين لنشر فوق إسمك عناوين ..
و أشهر بك من قاصي اليمن للفراتي
و البادي أظلم سنة العين بالعين ..
و لاَّ فهذي لا عادتي ولا من صفاتي
إزعل وعاند وإضرب براسك اللوح
ومن ماي البحر إشرب بكل إندفاعه
وإن كان عندك بعض الكرامه ومجروح
إرحل بصمت وخل عندك شجاعه
وش لك بقلب قالها اليوم بوضوح
أكرهك خذها قلتها عن قناعه
وجودي والعدم واحد على قلبك وفي بالك.
وجودي عادي بعينك وهذا ماتبينته.
أبارك لك اذا هذا قرارك ياهنيّالك
أباركلك على همي وهجر ٍ منك أنا شفته.
تبين ماتوقعته بعادي صار يحلالك وخطواتك بدت تقصر ودرب الهجر شرعته
بدىواقعك يتغير طغا مرك على زلالك.
طغت شمسك على ظلك قسى قلبك وطاوعته.
اذاهذي النهايه ياعسى فال السعد فالك
عسى اللّه يسعد أيامك على درب ٍ تخيرته.
بواسي قلبي الشاقي بحبك كان يرضالك.
وبمسح دمعتي ويكون لي درس وتعلمته.
لك السلوان ياقلبي تصبرخلك بحالك.
ترىواجبك سويته حبيته وقدرته.
ولا تندم على مافات وكل شي وله وقته.
موضوع: مسجات عتاب مميزه جدا جدا 
الخميس يونيو 26, 2008 8:53 pm
